Bugun...


Laş Ulwi


Facebookta Paylaş









ŠIFI ŠİQUR
Tarih: 24-03-2016 20:00:00 Güncelleme: 24-03-2016 20:10:00


Sışha kıriqoáğegore kışüfesoten

Mır zağoreme yaşü’eş’ı mıḣunći ḣuşüşt aw kıseḣuĺ'ağer zere şıtew keseoáte.

Mır kızıseḣuĺ'ağer ünivérsitem sızşécere ĺeḣaner arığe.

Zı mafegorem yecaṕem sık'éćıjığew wınem sıqojınew ḱum siṫıshağ.

Ḱum yıwjıre bğum sıqoyızı şhanğupşem yidiyı şıtı téṫıshaṕem sıtéṫıshağ.

Ḱur zı-t'u wıçüṕem şıwçüyı, kiṫıshaştır kiṫıshağ yexıştıri yexığ.

Se sışha şhanğupşem yezğezığew aneğuner sepĺeha.

Sadiyı yınıbjıće 50-60 fedizew zı ĺ'ıgore keṫısığ.         

Başe témış'ew kısdeguş'anew féjağ.

Tıguşı'e neoáse tızefeḣunım tıriwıblağ.

Tede wışış?

Mıdiyım sıdı of pş'erer?

.......

Ĺ'ır adıǵe kıéćığ.

Neh tızşıguşü'ıćıjığ.

''(Xesımınew kesejüğau' sızdéceştığer Düzce ĺenıkor arığe.

Adiyımi Adıǵe be şepsewı şhaérem yınıdeĺfıbze zış'ejırer ma'é ded.

Se adiyım sılajenew ofıgore zığotiyı zıbğumće sécew zıbğumći sılajenew sıféjağ. Yiĺesit'u fedizew siwınağo yidiyı sıqoáğep.

Mı yiĺesit'um zı nebǵemi adıǵazeće sıdeguş'ağep yićiy adıǵabzeće txığew zı txıĺ sécağep.

Zağore séáne-séáte télefonće sızĺıḣuće caxeme sadeguş'ağe kodiyır arı adıǵabzeće sızereguş'ağer.

''Se  sıšiquğem tırḱubze sıćeştığep. Yiperiye yecaṕem tırḱubze sımış'ew sıféjağ. Tırḱubzer yecaṕem zezğaş'ejığ.'')''

Ĺ'ır kısewıpş'ığ;

Adıǵabze weş'a?

Arı seş'e s'oáğe.

Tıguşı'e adıǵabzeće yedğejejığ.

Sıguşı'e zeḣum zağore guşıexer kesımığotıjışöw zağore guşıexeri sıbzegu zimığazew kesımıojışöw yemınegorem sıxefağ.

Zıbğumće ĺ'ım sédeu şhaérem zıbğumći sızxefağe mı mığom sıtégupşıseha.

Nıbjiy mıfede sıḣuğew sıgu kećıjırep. Zızğeş’ağojew sıkennağ.

Ĺ’ım yiguşı’e peoj yestıjı zıḣuće kesoştı guşıexer sıfemığotew zığotığexemi sıbzegu kızimığazew cawıştew ṫequre sızepeunegome sızxefağe yemınem sıxećınım yıwıjı sit.

Ḱur wıçüṕegorem kızınesım ĺ’ım;

-Se mıdiyım sışéxışt, wıše kepoáğep wıšer sıd zéom.

Sızepeuneyızı sıştıyı sıkennağ.

Sıše kezğotıjışüğep.

Cawıştew ĺ’ır yexıjığ.

Ar yexıjığ şhaérem se kısçış’ığe mı mığom sıkxenağ.

Sejıre sejıre sıše sızewıpş’ıjı. Tafedizew sızewıpş'ıjığemi kezğotıjışüğep.

Ḱum wıçüṕit’ur yıwıjı kırinağew sı şhtxıĺı (şhatxıĺ:Kimlik) sépĺınır sıgu kećığ.

Cay sépĺıyı sıše zezğaş’ejığ.

Yıwıjıre mafem azem yidiyı sıqoyı sışha kıriqoğer zere şıtew fes’otağ.

Azem aciy kısfiotağ.

Kioáğexer kızézğoáyew kesoten.

Šıfım yişha ḱušı, zerimıhare ş’enığexer şha ḱuš şıeğım réhaxıxezı cadiyım şéğebıĺı. Wızıfaye zıḣuće cadıyım xepĺezı kéğotıjı. Başe zıtéş’ağexer kiğotıjı zıḣuće kin yeĺeğu. Başedede zıtéş’ağexeri şeğupşejı. Şha ḱušır wı gu kemıćıjı guşı'exemće başededew zébğezıće pş’exereri zexéğehaxezı yimığotıjışöw kane. Cıri mı fede zıgore wışha kızéḣuĺ’eće wışha ḱuš başededew yemığez yioáğ.

Azem yidıyı sıkéćıjıyı zeće wınem sıkeqojıyı intérnetımće adıǵabze txıĺıxeme saĺıḣuyı t'u-şı txıĺ sıçefığe. Ay kışéğejağew yiğo sitıkesiy adıǵabzeće txığexeme sace.

Adıǵabze şüdeguş'anew zı nebǵe şümığotıme amal şuiew şöriy adıǵabze txıĺıxeme şöác. Şöéce zıḣući şuimake şö zexeşüxıjışünı fedizew ṫequ kişüwṫupşew şöéc. Amırıme bzer zere şıtew kışüçımığupşejımi zağore guşıexer kışüçığupşejışt.

Adıǵabzer yecen zakoći keşüwḣumeşüştep. Ar keşüwḣumenı feşıće şöécew, şütxew yićiy şüriguşıenıfayn.



Bu yazı 1137 defa okunmuştur.

FACEBOOK YORUM
Yorum

YAZARIN DİĞER YAZILARI

BERE ZÉCAĞE KEBARXER
  • NEPE
  • MI THAMAFEM
  • MI MAZEM
TXAQOXER
YAWUJIRE ZITÉGUŞIAĞEXER
FOTO GALERİ
  • Ladik Adıǵe xasem yiuxığo
    Ladik Adıǵe xasem yiuxığo
  1. Ladik Adıǵe xasem yiuxığo
FOTO GALERİ
WİDEO GALERİ
  • ŚET CEWDET SAİD ÉFENDI - 2
    ŚET CEWDET SAİD ÉFENDI - 2
  • Cewdet Said Éfendı 1
    Cewdet Said Éfendı   1
  • Xexes Wideo
    Xexes Wideo
  • Şeşen
    Şeşen
  • Se kısegupsış
    Se kısegupsış
  • Nıbjır 35
    Nıbjır 35
  1. ŚET CEWDET SAİD ÉFENDI - 2
  2. Cewdet Said Éfendı 1
  3. Xexes Wideo
  4. Şeşen
  5. Se kısegupsış
  6. Nıbjır 35
WİDEO GALERİ
YUKARI